Një aksident fatal ka ndodhur gjatë punimeve për rikonstruksionin e stadiumit “Spotify Camp Nou” në Barcelonë, ku një punëtor 54-vjeçar humbi jetën pasi u godit rëndë në impiant. Ngjarja ndodhi të premten dhe autoritetet lokale, përfshirë policinë katalanase Mossos d'Esquadra, mbërritën menjëherë në vendngjarje, por nuk mundën të shpëtojnë jetën e viktimës. Hetimet janë duke u zhvilluar nga autoritetet përkatëse, duke përfshirë Departamentin e Punës dhe Biznesit të Katalunjës, për të zbuluar rrethanat e aksidentit. Ky është aksidenti i parë me fatalitet që nga fillimi i projektit të transformimit të stadiumit në qershor të vitit 2023, ndërsa punimet vazhdojnë me ndërtimin e tribunës së tretë dhe unazës së kompresimit, që do të mbështesë çatinë e re të impiantit.