Një aksident i rëndë trafiku ka ndodhur në rrugën nacionale B470 pranë Dietersheimit në Gjermani, ku dy automjete u përplasën frontalisht rreth orës 21:30 të dielën. Si pasojë e përplasjes së fuqishme, tre gra kanë humbur jetën, ndërsa një burrë është lënduar rëndë dhe po trajtohet mjekësisht. Në vendngjarje kanë intervenuar shpejt ekipet e policisë, zjarrfikësve dhe shërbimeve emergjente, të cilët kanë mbyllur rrugën për qarkullim dhe kanë hapur një rrugë alternative. Policia vazhdon hetimet për të zbardhur shkaqet dhe rrethanat e aksidentit tragjik.