Një tragjedi e rëndë ndodhi në bregdetin e Shqipërisë, në Ranën e Hedhun të Shëngjinit, ku dy të rinj nga Kosova, Leonit Aliu dhe Jetmir Binaku, humbën jetën pasi u përfshinë nga dallgët e rrezikshme gjatë larjes në det. Pesë shokët e tyre u morën nga dallgët dhe falë ndërhyrjes së shpejtë të qytetarëve me mjete lundruese Jet Ski dhe shërbimeve të Policisë Kufitare dhe Policisë së Lezhës, u shpëtuan dhe u transportuan me urgjencë në Spitalin Rajonal të Lezhës, ku tre prej tyre vazhdojnë trajtimin mjekësor në gjendje stabile.