Një aksident i rëndë trafiku ndodhi mbrëmë në fshatin Shushicë të Istogut, ku dy persona humbën jetën dhe katër të tjerë u lënduan. Viktimat janë Ramiz Qorraj, 69 vjeç, dhe mbesa e tij 12-vjeçare, Arbëresha Qorraj, të cilët vinin nga fshati Pemishtë i Skenderajt. Kryetari i Komunës së Skenderajt, Sami Lushtaku, shprehu ngushëllimet më të sinqerta për familjen dhe njoftoi anulimin e të gjitha aktiviteteve të planifikuara për sonte në kuadër të manifestimit “Ditët e Mërgatës” si shenjë respekti dhe solidariteti. Kjo ngjarje ka tronditur komunitetin dhe ka lënë një dhimbje të thellë te të afërmit dhe miqtë e viktimave.