Të dielën pasdite, rreth orës 16:20, një 49-vjeçar nga Hoça e Vogël e Rahovecit humbi kontrollin mbi automjetin e tij në rrugën e transitit në Shirokë të Suharekës, duke dalë nga rruga dhe duke pësuar lëndime të rënda trupore. Në makinën e tij ndodheshin edhe tre pasagjerë, një grua 49-vjeçare dhe dy fëmijë, të cilët pësuan lëndime të lehta. Ngasësi u dërgua fillimisht në Spitalin Rajonal të Prizrenit, por rreth orës 20:40 u raportua vdekja e tij si pasojë e plagëve të marra në aksident. Policia dhe Prokuroria kanë nisur hetimet për zbardhjen e plotë të rrethanave të ngjarjes, ndërsa rasti mbetet nën vëzhgim nga njësitë kompetente.