Një 20-vjeçar ka humbur jetën në Venecia pasi u mbyt në ujërat pranë zonës së San Polos, gjatë një incidenti ku tre persona ranë në ujë. Dy prej tyre shpëtuan falë ndërhyrjes së një varke që po kalonte në atë zonë, ndërsa i riu nuk arriti të dalë më në sipërfaqe. Operacioni i kërkim-shpëtimit nisi rreth orës 05:30 me angazhimin e dy njësive zjarrfikëse të lagunës nga Dorsoduro, mbështetur nga zhytës rajonalë, karabinierë dhe ekipe mjekësore emergjente. Trupi i viktimës u gjet dhe u nxor nga uji rreth orës 07:15 pranë kazermave të Guardia di Finanza, ndërsa autoritetet kanë nisur hetimet për të zbardhur shkaqet e ngjarjes.