Në orët e para të së dielës në fshatin Maxhunaj të Vushtrrisë, një aksident trafiku ka shkaktuar vdekjen e një 22-vjeçari. Ngjarja ndodhi rreth orës 00:55 në rrugën nacionale Mitrovicë-Prishtinë, ku një veturë u përfshi në aksident. Drejtuesi i automjetit dhe dy pasagjerë të tjerë pësuan lëndime dhe u dërguan për trajtim mjekësor, por për 22-vjeçarin nuk pati shpëtim, pasi ai ndërroi jetë rreth orës 07:50 në spital.