Pesëmbëdhjetë vjet pas rënies së heroit të Kosovës, Enver Zymberi, djali i tij Sokoli ka ndjekur rrugën e babait duke u bërë pjesë e Policisë së Kosovës. Enver Zymberi u vra më 25 korrik 2011 gjatë një aksioni të njësisë speciale për kontrollin e pikave kufitare në veri, duke u bërë simbol i sakrificës dhe trimërisë për vendin. Për kontributin dhe guximin e tij, ai u dekorua me titullin “Hero i Kosovës”. Sokoli, i cili më parë kishte shprehur dëshirën për të veshur uniformën e Policisë së Kosovës, tashmë realizoi këtë ëndërr duke vazhduar rrugën e babait në shërbim të vendit.