Në dy operacione të koduara “Shenja” dhe “Kodra”, policia e Tiranës arrestoi tre persona për armëmbajtje pa leje dhe shkelje të masave të sigurisë. Gjatë kontrolleve u sekuestruan tri armë zjarri, përfshirë pistoleta dhe një armë gjahu, si dhe qindra fishekë, të cilat dyshohet se posedoheshin me qëllim shitjen. Një nga të arrestuarit ishte në masën e sigurisë “Arrest në shtëpi” dhe dyshohet se e kishte shkelur atë. Materialet procedurale janë referuar Prokurorisë së Tiranës për hetime të mëtejshme, ndërsa policia vijon punën për zbardhjen e plotë të rrethanave dhe përfshirjes së tyre në veprimtari kriminale të tjera.