Një 23-vjeçar humbi jetën pas një aksidenti tragjik hekurudhor në zonën e Stacionit Jugor të trenit në Gjermani, ku u godit nga një tren në lëvizje në orët e para të mëngjesit të së hënës. Pavarësisht ndërhyrjes së shpejtë të ekipeve të emergjencës, i riu nuk arriti të mbijetojë dhe u shpall i vdekur në vendngjarje. Qarkullimi hekurudhor në këtë segment u ndërpre përkohësisht, duke shkaktuar vonesa dhe kufizime në lëvizjen e trenave. Policia po heton rrethanat e aksidentit, duke përfshirë edhe mundësinë që i riu të ketë qenë nën ndikimin e alkoolit, por ky informacion ende nuk është konfirmuar dhe hetimet vazhdojnë.