Pas ndërprerjes së energjisë elektrike dhe daljes së 18 minatorëve nga miniera, njësia biznesore e Trepçës ka rifilluar punën dhe aktivitetet operative zhvillohen normalisht. Aktualisht, vetëm në Horizontin XI dera e sigurisë mbetet e mbyllur për shkak të ujit të akumuluar, por pritet që aktivitetet të rifillojnë sapo të krijohen kushtet e sigurta. Trepça falënderon institucionet e sigurisë, KOSTT-in, KEDS-in, zjarrfikësit, ekipet emergjente dhe stafin teknik për menaxhimin e situatës dhe rikthimin e normalitetit. Po ashtu, falënderimet shkojnë edhe për Ministren e Ekonomisë, Artane Rizvanolli, për përkrahjen dhe vizitën gjatë menaxhimit të krizës.