Një 30-vjeçar nga Kosova, Besnik Fana, ka humbur jetën në një aksident trafiku të ndodhur në Gjermani të enjten e kaluar. Ai nuk ka arritur t’u mbijetojë lëndimeve të rënda dhe lajmin për vdekjen e tij e ka konfirmuar familja nga Prishtina, e cila ka shprehur dhimbje të thellë për humbjen e tij. Në një postim në rrjete sociale, familjarët e Besnikut e kujtojnë atë për mirësinë, zemrën e madhe dhe respektin që tregonte ndaj të gjithëve. Detajet për ceremoninë mortore pritet të bëhen të ditura në ditët në vijim.