Një ngjarje tragjike ka ndodhur në fshatin Orizaj, Bashkia Berat, ku një 15-vjeçar, duke punuar me babain në arë, ka hyrë në lumë për t’u larë dhe freskuar. Rrjedha e fortë e lumit e ka marrë disa metra poshtë, duke e bërë të pamundur që të dalë vetë. Babai i tij ka hyrë për ta shpëtuar, por e ka nxjerrë pa shenja jete në breg. Policia dhe ambulanca kanë mbërritur në vendngjarje, ndërsa viktima është dërguar në Spitalin Rajonal Berat për autopsi mjeko-ligjore. Grupi hetimor po punon për të sqaruar rrethanat dhe shkakun e mbytjes, që dyshohet të ketë qenë aksidentale gjatë larjes në lumë.