Një ngjarje e rëndë ka tronditur Ferizajn dhe gjithë Kosovën, ku një nëna 19-vjeçare dyshohet se ka mbytur foshnjën e saj të porsalindur. Ajo ka qëndruar e shtruar në spitalin e Ferizajt për trajtime post-natale dhe psikologjike, ndërsa gjendja e saj psikologjike mbetet e rënduar. Deri tani, ajo nuk është marrë në pyetje nga policia apo prokuroria, pasi po trajtohet nga psikologu dhe gjendja e saj po monitorohet vazhdimisht. Sipas spitalit, ngjarja ndodhi në tualet dhe foshnja u gjet e hedhur në koshin e mbeturinave, ndërsa nëna nuk ishte regjistruar si paciente shtatzënë.