Një ngjarje e rëndë ka ndodhur në qytetin Schorndorf të Gjermanisë, ku një vajzë njëvjeçare ka ndërruar jetë pasi ka qëndruar për orë të tëra e mbyllur në një automjet të parkuar. Sipas hetimeve paraprake, dyshohet se nëna 44-vjeçare e ka harruar fëmijën në makinë dhe e ka gjetur atë vetëm pas disa orësh në pasditë. Policia dhe ekipet emergjente kanë ndërhyrë menjëherë pas njoftimit për fëmijën pa shenja jete, por përpjekjet për reanimim kanë qenë të pasuksesshme. Autoritetet vijojnë hetimet për të sqaruar rrethanat dhe kohën e qëndrimit të vajzës brenda automjetit.