Një ngjarje tragjike ndodhi në Foggia të Italisë, ku një 10-vjeçar shqiptar, Alessio, humbi jetën pasi rrëshqiti dhe goditi kokën pranë një shatërvani në sheshin e qytetit. Pavarësisht përpjekjeve intensive të mjekëve dhe paramedikëve për më shumë se 45 minuta, fëmija nuk mundi të shpëtohej. Incidenti tronditi thellë komunitetin e vogël të Castelluccio dei Sauri, ku kryebashkiaku shprehu ngushëllimet dhe solidaritetin me familjen e vogëlushit. Autoritetet gjyqësore dhe karabinierët kanë nisur hetimet dhe pritet të vendoset nëse do të kryhet autopsia për zbardhjen e plotë të rrethanave të ngjarjes.