Tre persona janë gjetur pa shenja jete në Malishevë dhe janë dërguar fillimisht në Qendrën Kryesore të Mjekësisë Familjare, ku mjekët konfirmuan vdekjen e tyre. Prokurorja e rastit, Ardita Beqiri Hyseni, njoftoi se trupat janë dërguar për autopsi në Institutin e Mjekësisë Ligjore, ndërsa shkaqet e vdekjes mbeten ende të panjohura. Në vendngjarje janë angazhuar të gjitha njësitë relevante, përfshirë ekspertët e zjarrit, pasi është vërejtur prania e zjarrit dhe tymit, por shkaku i saktë do të përcaktohet pas analizave. Hetimet vazhdojnë intensivisht për të zbardhur plotësisht rrethanat e ngjarjes.