Një aksident tragjik ndodhi më 2 shtator në magjistralen Ferizaj–Prishtinë, në Qagllavicë, ku një 17-vjeçar u godit nga një veturë dhe humbi jetën. Viktima, shtetas i Britanisë së Madhe, u dërgua me urgjencë në Qendrën Klinike Universitare të Kosovës, por nuk arriti të mbijetojë pas lëndimeve të rënda. Shoferi i përfshirë në aksident është një 31-vjeçar nga Maqedonia e Veriut, me banim në Gjermani, i cili është ndaluar për 48 orë me urdhër të Prokurorisë. Hetimet janë në vazhdim për të përcaktuar rrethanat dhe përgjegjësinë e aksidentit fatal, ndërsa trupi i pajetë i viktimës është dërguar për obduksion në Institutin e Mjekësisë Ligjore.