Egzon Kabashi, një 18-vjeçar nga Prizreni, ndërroi jetë pas disa ditësh trajtimi në QKUK, si pasojë e lëndimeve të marra nga rënia nga kati i katërt i një objekti në kompleksin “Fat Group-1”. Ngjarja tragjike ndodhi më 2 gusht në rrugën “Ekrem Rexha”, ndërsa lajmi për vdekjen e tij u konfirmua më 8 gusht nga autoritetet shëndetësore dhe Policia e Kosovës. Në varrimin e të riut morën pjesë një numër i madh familjarësh, miqsh dhe qytetarësh, të cilët u mblodhën për t’i dhënë lamtumirën e fundit dhe për të shprehur dhimbjen e tyre. Rasti është duke u hetuar nga autoritetet për të zbardhur rrethanat e plota të ngjarjes, ndërsa Ekipi i Mjekësisë Ligjore po punon për të përcaktuar shkakun e saktë të rënies fatale.