Jake Hall, ish-bashkëshorti i modeles shqiptare Missé Beqiri dhe ylli i reality show-t “TOWIE”, u gjet i pajetë në një vilë në Spanjë me lëndime fatale në kokë. Autoritetet dyshojnë se vdekja e 35-vjeçarit erdhi si pasojë e një aksidenti gjatë një feste, ku ai mendohet të jetë përplasur me një derë xhami. Policia ka marrë në pyetje disa persona që ndodheshin në shtëpi, ndërsa autopsia pritet të përcaktojë shkakun e saktë të vdekjes. Lajmi ka tronditur jo vetëm fansat dhe miqtë e tij, por edhe familjen e modeles, e cila ka kaluar më parë një tragjedi të rëndë me vrasjen mafioze të vëllait të saj në Londër.