Një ngjarje tragjike ka ndodhur në Itali, ku një 15-vjeçar u hodh nga një mol në zonën e Mandello del Lario në Liqenin e Komos dhe nuk doli më në sipërfaqe. Miqtë e tij njoftuan menjëherë shërbimet e emergjencës, ndërsa rojet bregdetare, zjarrfikësit dhe zhytësit ndërhynë për të shpëtuar, por fatkeqësisht e gjetën trupin e tij të pajetë në fund të liqenit. Autoritetet italiane kanë nisur hetimet për të zbardhur rrethanat e ngjarjes, duke marrë në konsideratë edhe faktin se i riu mund të ketë hyrë në një zonë ku noti është i ndaluar. Kryebashkiaku i zonës bëri thirrje për kujdes dhe informim më të mirë të të rinjve, duke theksuar ndikimin e rrjeteve sociale në sjelljet e tyre rrezikuese.