Një 60-vjeçar nga Uellsi është dënuar me dy vjet e katër muaj burg për mbajtjen e trupit të nënës së tij të vdekur brenda frigoriferit për tre vjet, me qëllim përfitimin e pensionit dhe përfitimeve sociale në vlerë prej 91,000 eurosh. Sylvia Phillips, 89 vjeçe, vdiq në mars të vitit 2023, ndërsa djali i saj e mbajti trupin në shtëpi, duke mos njoftuar autoritetet dhe duke vazhduar të merrte pagesat në emër të saj. Rasti u zbulua në shkurt 2026 pas shqetësimit të mjekut të familjes, i cili kërkoi verifikim të situatës, dhe gjatë hetimeve policore u gjet trupi në frigorifer. Mbrojtja theksoi gjendjen e rënduar mendore të të pandehurit dhe marrëdhënien e ngushtë me nënën, ndërsa gjykatësja theksoi rëndësinë e fshehjes së vdekjes dhe përfitimit të paligjshëm financiar në vendimin e dënimit.