Një person i pajetë është gjetur në lumin Mat, në fshatin Zenisht, dhe dyshohet të jetë ish-oficeri i Gardës së Republikës, Flamur Kolmarku. Ai ishte raportuar i humbur nga familjarët, pasi vuante nga demenca dhe kishte humbur kujtesën, duke u larguar nga banesa e tij në Tiranë. Trupi i tij u nxorr nga uji nga policia dhe shërbimet shëndetësore, dhe po i nënshtrohet ekspertizës mjeko-ligjore për të sqaruar rrethanat e vdekjes. Hetimet vijojnë nën drejtimin e Prokurorisë, ndërsa nga shqyrtimi paraprak nuk janë konstatuar shenja dhune, duke shtuar dyshimet se shkaku i vdekjes është mbytja.