Trupi i një modeleje ruse 28-vjeçare, Lyudmila Turkova, e cila ishte raportuar e zhdukur gjatë pushimeve në Beograd, është gjetur i futur në një valixhe të hedhur në kanalin Vizelj. Viktima kishte humbur kontaktet më 25 korrik, pas një takimi të planifikuar në një klub nate, ndërsa trupi i saj u zbulua pasi banorët vunë re një objekt të dyshimtë në ujë dhe njoftuan policinë. Një shtetas turk 25-vjeçar është arrestuar në aeroportin e Beogradit, teksa dyshohet se po përpiqej të largohej nga Serbia dhe është i dyshuari kryesor për vrasjen. Hetimet vazhdojnë për të zbuluar rrethanat dhe motivin e krimit, ndërsa trupi i viktimës është dërguar për autopsi në Institutin e Mjekësisë Ligjore.