Në fshatin Vreshtas të Bashkisë Maliq është zbuluar një plantacion modern i kultivimit të kanabisit, i fshehur në një ambient nëntokësor poshtë një koteci shpendësh. Hetimet e Prokurorisë dhe Policisë së Korçës zbuluan një strukturë të sofistikuar me izolim termoizolues, sisteme ventilimi, ndriçimi dhe ngrohjeje, ku kultivoheshin dhe thaheshin bimët narkotike. Në operacion u arrestua një person me inicialet K.L., ndërsa një tjetër është shpallur në kërkim për veprime kriminale të lidhura me prodhimin dhe shitjen e drogës. Gjatë kontrollit u sekuestruan mbi 5 kilogramë kanabis, një sasi e vogël kokainë, pajisje të ndryshme për kultivimin dhe përpunimin e drogës, si dhe një armë me bombol gazi, ndërsa energjia elektrike furnizohej në mënyrë të paligjshme.