Një çift turistësh u bllokua në Kanionin e Gjipesë pasi njëri prej tyre pësoi thyerje të këmbës gjatë një shtegtimi në terrenin e vështirë. Pas sinjalizimit, në vendngjarje u nisën zjarrfikësit e Himarës, policia lokale dhe ekipi i urgjencës mjekësore, të cilët bashkëpunuan për të nxjerrë çiftin nga zona në kushte të sigurta. Turisti i lënduar u transportua në Spitalin e Himarës për trajtim mjekësor. Autoritetet theksuan rrezikun e lartë në këtë zonë dhe apeluan që vizitorët të shmangin rrugët e pashenjuara dhe të përdorin guida të licencuara për të parandaluar aksidente të ngjashme.