Një turist britanik u arrestua në Dubai nën akuzën e krimit kibernetik pasi dyshohet se ka filmuar raketat iraniane që goditën qytetin. Ai u ndalua sipas ligjeve të Emirateve të Bashkuara Arabe që ndalojnë publikimin e materialeve që mund të kërcënojnë sigurinë publike, ndërsa familja e tij po mbështetet nga Zyrtarët britanikë. Organizata Detained in Dubai dhe drejtuesja e saj Radha Stirling kritikuan mungesën e qartësisë në akuzat dhe theksuan se autoritetet po përdorin ligjet për të ndaluar publikimin e ngjarjeve që dëmtojnë imazhin e sigurisë së Dubai-t. Konflikti në Lindjen e Mesme po vazhdon, me sulme të njëpasnjëshme midis SHBA-së, Izraelit dhe Iranit, që kanë shkaktuar dëme në objektet civile të Emirateve dhe kanë ndikuar në fluturimet rajonale.