Një turist holandez së bashku me dy fëmijët e tij të mitur mbetën të bllokuar në një zonë të thepisur të Kanioneve të Gjipesë në Dhërmi. Pas marrjes së njoftimit, shërbimet e Stacionit të Policisë Dhërmi dhe Reparti Special “Delta Forcë” organizuan një operacion kërkim-shpëtimi që zgjati rreth katër orë në kushte të errësirës dhe terreni shumë të vështirë. Efektivët arritën të lokalizonin dhe evakuonin familjen pa lëndime, duke u siguruar që ata të merrnin ndihmën e parë mjekësore dhe të ishin në gjendje të mirë shëndetësore. Turisti falënderoi publikisht ekipet e shpëtimit për profesionalizmin dhe përkushtimin, duke i quajtur efektivët “heronj”, ndërsa Policia e Shtetit theksoi angazhimin e saj për të ofruar ndihmë të shpejtë dhe profesionale në çdo rast emergjence.