Ushtruesi i detyrës së Kryeprokurorit të Shtetit, Agron Qalaj, ka shprehur ngushëllime të sinqerta për familjen e ish-Kryeprokurorit të Shtetit, Hilmi Zhitia, pas ndarjes së tij nga jeta. Në telegramin e ngushëllimit, Qalaj e ka vlerësuar Zhitian si një udhëheqës të përgjegjshëm dhe me vendimmarrje të guximshme, i cili dha një kontribut të rëndësishëm në avancimin e institucionit të Prokurorit të Shtetit dhe forcimin e sundimit të ligjit në vend. Ai theksoi se kontributi i Zhitias do të mbahet mend me respekt dhe mirënjohje nga kolegët dhe bashkëpunëtorët e tij. Ndërsa theksoi se humbja e tij lë një boshllëk të madh jo vetëm për familjen, por edhe për të gjithë sistemin prokurorial dhe bashkëpunëtorët e tij, Qalaj shprehu ngushëllimet më të sinqerta në emër të institucionit dhe vetes.