Një ngjarje e rëndë ka tronditur komunitetin e Drenasit dhe Malishevës, ku një grua 35-vjeçare dyshohet se është dhunuar seksualisht gjatë një udhëtimi për të vizituar nënën e saj. Viktima, H.S., kishte hipur në autobus nga Bardhi i Madh për në Komoran dhe më pas priste transport për në fshatin Lladroc, kur një burrë me veturë të kuqe i ofroi transport falas. Në vend që ta dërgonte në destinacion, ai e ndaloi makinën pranë kishës në Llapushnik, e detyroi të zhvishej dhe kryeu aktin seksual pa pëlqimin e saj. Pas raportimit të rastit, policia ndërmori hetime intensive dhe arrestoi në të njëjtën ditë Enver Bytyqin, 54-vjeçarin që dyshohet për këtë krim, i cili ndodhet në ndalim 48-orësh ndërsa hetimet vazhdojnë.