Kompania Rajonale e Ujësjellësit “Prishtina” ka njoftuar se uji në rrjetin e ujësjellësit në fshatin Miradi e Ulët është i pijshëm dhe plotësisht brenda parametrave të lejuara për konsum. Kjo pason një periudhë paralajmërimesh, kur banorët u këshilluan të mos përdornin ujin për pije dhe përgatitje ushqimi për shkak të një kontaminimi të shkaktuar nga defekte teknike në gypa.