Një ujk është kapur në mënyrë të paligjshme në lagjen Kozle të Shkupit, ku dyshohet se mbahej si kafshë shtëpiake me rrip dhe zinxhir. Kjo ngjarje ka shkaktuar shqetësim të madh, ndërsa kryetari i Shkupit, Orce Gjorgjievski, e ka dënuar këtë veprim si të papërgjegjshëm dhe rrezik për sigurinë publike. Ujku aktualisht po kujdeset nga shërbimet e Kopshtit Zoologjik të Shkupit, ndërsa janë njoftuar institucionet kompetente për të zbardhur plotësisht rastin. Gjorgjievski ka bërë thirrje për masa të menjëhershme dhe për ndërtimin e një shoqërie më humane dhe të sigurtë, ku ligjet respektohen dhe kafshët trajtohen me kujdes.