Në fshatin Nadakovc është shembur ura mbi lumin Silnicë, e cila prej më shumë se një viti nuk përdorej për shkak të dëmtimeve të shkaktuara nga vërshimet. Drejtori i Shërbimeve Publike në Komunën e Vushtrrisë, Benjamin Shala, konfirmoi se ura kishte pësuar dëmtime të rënda në segmentin qendror dhe se qarkullimi ishte ndaluar që pas vërshimeve. Ai theksoi se ura ishte ndërtuar mbi 20 vite më parë dhe se për momentin kishte rrugë alternative për kalim. Komuna nuk ka paraparë ndërtimin e një ure të re gjatë këtij viti, duke lënë të hapur sfidën e lidhjes infrastrukturore në zonë.