Një ngjarje e rëndë ka ndodhur më 21 maj në Prishtinë, ku një vajzë 21-vjeçare, Blearta Berisha, është gjetur pa shenja jete në banesën e saj në rrugën “Evlija Çelebiu”. Autoritetet kanë konstatuar vdekjen e saj dhe nuk janë gjetur shenja dhune në trup, por rrethanat e sakta të vdekjes mbeten ende të paqarta. Sipas informatave fillestare, ajo dyshohet se ka qenë përdoruese e substancave narkotike, çka po hetohet nga njësitë relevante të Policisë dhe Prokuroria e Krimeve të Rënda. Trupi i viktimës është dërguar për obduksion në Institutin e Mjekësisë Ligjore, ndërsa rasti është iniciuar si “Hetim mbi vdekjen”.