Një vajzë e mitur nga Prizreni, e cila ishte raportuar e zhdukur, u gjet pas një kërkimi intensiv të nisur menjëherë nga njësitet e hetimeve për të mitur. Policia lokalizoi vendndodhjen e saj pas disa orësh angazhim në terren dhe e shoqëroi fillimisht në stacionin policor për procedurat e nevojshme. Më pas, vajza u dërgua për kontroll mjekësor në Spitalin Rajonal të Prizrenit, ku mori trajtimin e duhur para se t’i dorëzohej familjes së saj. Rasti po trajtohet nga Prokurorja Kujdestare e Departamentit për të Mitur dhe vijon sipas procedurave për person të zhdukur dhe gjetur.