Një vajzë e mitur nga Shkupi ka denoncuar në polici nënën dhe njerkun e saj për dhunë fizike në shtëpinë familjare. Pas denoncimit, policia ka zhvilluar biseda zyrtare me të dy të dyshuarit dhe po heton rrethanat e ngjarjes. Ministria e Punëve të Brendshme njofton se po merren masa për sqarimin e plotë të rastit dhe përcaktimin nëse ka elemente të veprës penale. Në bazë të hetimeve, do të vendoset për veprimet e mëtejshme ligjore ndaj personave të përfshirë.