Gjatë valës rekord të të nxehtit në Mbretërinë e Bashkuar, shtatë persona kanë humbur jetën duke u mbytur në vende të ndryshme me ujë. Ndër viktimat është një adoleshent 15-vjeçar, trupi i të cilit u gjet në rezervuarin Coëbury në Stalybridge, si dhe një grua 55-vjeçare që humbi jetën në një pishinë në Sandwell Valley Country Park. Një tjetër trup u nxor nga lumi Severn në Shrewsbury, ndërsa në Southampton u gjet trupi i një nxënësi 15-vjeçar i zhdukur prej disa ditësh në rezervatin Testwood Lakes. Në Lancashire, familjarët dhe komuniteti nderuan Hayden Jones-Poëell, 13 vjeçarin që u mbyt në Meynell Lake, vetëm pak para pushimeve verore. Policia e Essex konfirmoi gjithashtu vdekjen e një burri 69-vjeçar në Clacton, duke theksuar rreziqet e larta gjatë këtyre ditëve të nxehta pranë ujit.