Gjatë ceremonisë së shënimit të Vidovdanit në Graçanicë, një grua e nacionalitetit serb humbi ndjenjat për shkak të temperaturave të larta dhe ekspozimit ndaj vapës. Personat e pranishëm i ofruan ndihmën e parë, ndërsa më pas intervenuan edhe ekipet mjekësore, duke e dërguar atë për trajtim në spital. Në të njëjtën kohë, qytetarë serbë u mblodhën edhe në Gazimestan pranë Obiliqit për të shënuar këtë ditë, ndërsa Policia e Kosovës monitoroi situatën dhe kontrolloi simbolet që mund të nxisnin tensione ndëretnike. Sipas autoriteteve, deri më tani ngjarjet kanë kaluar pa incidente dhe pritet që situata të mbetet e qetë.