Gjykata Themelore në Mitrovicë-dega në Vushtrri ka vendosur të vazhdojë masën e paraburgimit për Agim Gerbeshin edhe për një muaj, nga data 5 mars deri më 4 prill 2026. Gerbeshi ishte arrestuar më 3 shkurt 2026, pas një periudhe kërkimi që filloi në tetor 2025, ku ishte shpallur në kërkim me fletarrest ndërkombëtar për dyshimet për veprat penale “detyrim” dhe “armëmbajtje pa leje”. Ai ishte paraqitur vullnetarisht para organeve të ndjekjes dhe më pas Prokuroria kishte kërkuar paraburgimin e tij. Gjykata ka konfirmuar vendimin për vazhdimin e paraburgimit, duke i llogaritur kohën nga data e arrestimit.