Kërkimet për gjetjen e Ilir Kurtit, i cili është i humbur në lumin Osum pranë kanioneve të Skraparit, vazhdojnë pa ndërprerje. Në operacion janë angazhuar 70 efektivë të Forcave të Armatosura të Shqipërisë, duke përfshirë 20 nga Regjimenti i Operacioneve Speciale dhe 50 nga Baza e Mbështetjes për Emergjencat Civile dhe Regjimenti i Këmbësorisë së Jugut. Kërkimet kryhen në koordinim të ngushtë me Policinë e Shtetit dhe Ministrinë e Zhvillimit Social dhe Rinisë, duke përdorur pajisje të specializuara dhe duke kontrolluar të dy brigjet e lumit, nga kanionet deri në urën e Çorovodës. Ministria e Mbrojtjes thekson angazhimin maksimal dhe përgjegjësinë e forcave në këtë operacion, duke shprehur shpresën për një përfundim sa më të shpejtë të kërkimeve.