Komuna e Kamenicës ka njoftuar se gjatë mbrëmjes së sotme do të vazhdojë procesi i dezinfektimit, dezinsektimit dhe deratizimit hapësinor në pjesët e mbetura të territorit komunal. Aktivitetet do të fillojnë nga ora 20:00 dhe do të zhvillohen në zonat ku ky proces ende nuk ka përfunduar. Autoritetet kanë bërë thirrje që qytetarët të mbyllin dyert dhe dritaret gjatë kohës së dezinfektimit dhe të tregojnë kujdes maksimal. Gjithashtu, bletarët janë apeluar të mbyllin kosheret e bletëve për të mbrojtur kolonitë gjatë periudhës së trajtimit.