Në Gjykatën Themelore të Prishtinës po vazhdon seanca gjyqësore lidhur me sulmin e armatosur që ndodhi më 24 shtator 2023 në fshatin Banjskë të komunës së Zveçanit. Para trupit gjykues janë paraqitur të pandehurit Blagoje Spasojeviq, Vladimir Toliq dhe Dushan Maksimoviq, të cilët akuzohen për përfshirje në këtë ngjarje të rëndë. Gjatë sulmit mbeti i vrarë rreshteri Afrim Bunjaku, i njohur si hero, ndërsa disa zyrtarë të tjerë policorë u plagosën. Seanca gjyqësore është planifikuar të nisë nga ora 09:30 dhe po zhvillohet për të sqaruar përgjegjësitë dhe rrethanat e ngjarjes.