Në Maqedoni është regjistruar rasti i dytë i vdekjes nga virusi i Etheve të Nilit Perëndimor, ku një pacient 72-vjeçar ka ndërruar jetë në Klinikën e Sëmundjeve Infektive. Ai kishte simptoma të rënda dhe gjendje të theksuar neurologjike, ndërsa përpjekjet për ta shpëtuar nuk dhanë rezultat. Aktualisht, në klinikë janë të shtruar 24 pacientë, prej të cilëve 19 kanë rezultuar pozitivë për virusin, ndërsa 5 janë në pritje të diagnostikimit. Drejtori i klinikës, Fadil Cana, thekson rëndësinë e monitorimit dhe masave të ndërmarra për kontrollin e situatës.