Ministrja në detyrë e Ekonomisë, Artane Rizvanolli, ka reaguar me dhimbje pas vdekjes tragjike të punëtorit të Korporatës Energjetike të Kosovës, Arbenit Ahmeti. Ajo ka shprehur ngushëllime për familjen dhe kolegët e tij, ndërsa ka kërkuar nga Bordi dhe menaxhmenti i KEK-ut që të zhvillohet urgjentisht një hetim administrativ për të zbardhur rrethanat e ngjarjes. Ministrja ka kërkuar gjithashtu masa emergjente për rivlerësimin e sigurisë së punëtorëve dhe zbatimin rigoroz të protokolleve të shëndetit dhe sigurisë në punë. Ndërkohë që presin hetimet e organeve kompetente, veprimet e menjëhershme synojnë të parandalojnë ngjarje të ngjashme në të ardhmen.