Princ Abdullah bin Fahad bin Abdullah bin Abdulaziz Al Saud, 29 vjeç, u gjet i vdekur në dhomën e tij në hotelin Marriott në Londër më 25 nëntor 2025, si pasojë e një arresti kardiak të shkaktuar nga mbidoza e një përzierjeje të rrezikshme alkooli, drogash sintetike dhe barnave kundër ankthit. Hetimi zyrtar në Mbretërinë e Bashkuar zbuloi se niveli i alkoolit në gjak ishte pothuajse tri herë më i lartë se kufiri ligjor për ngarjen, ndërsa u gjetën gjithashtu gjurmë të GHB-së, kanabisit dhe medikamenteve anksiolitike. Zëvendës-koronerja konfirmoi se vdekja ishte aksidentale dhe nuk kishte prova për përfshirjen e personave të tjerë apo vetëvrasje, ndërsa kamerat e sigurisë treguan se princi ishte vetëm në dhomë para ngjarjes tragjike. Sipas hetimeve, princi kishte një histori të gjatë me varësinë ndaj alkoolit dhe barnave, duke u trajtuar më parë në një klinikë të specializuar në Britani, ndërsa familja mbretërore saudite ka konfirmuar ndarjen e tij nga jeta dhe ka mbajtur ceremoninë mortore në Riad.