Një 19-vjeçare me emrin Myrto ka ndërruar jetë në mënyrë tragjike në Argostoli të Kefalonisë, Greqi, pas një sulmi në zemër që dyshohet të ketë ardhur nga mbidoza e drogës. Tre të rinj, mes tyre edhe një shqiptar, janë arrestuar dhe akuzohen për vrasje të paqëllimshme dhe rrezikim, pasi dyshohet se e droguan dhe më pas e braktisën në gjendje gjysmë të pavetëdijshme në një shesh qendror. Autorët kanë tentuar të fshehin gjurmët duke pastruar dhomën e hotelit ku ndodhi ngjarja dhe duke marrë celularin e viktimës. Pamjet filmike nga hoteli tregojnë momentin kur ata e lënë vajzën në gjendje të rëndë shëndetësore, ndërsa trupi i saj u dërgua për autopsi në Patra dhe hetimet vazhdojnë për të sqaruar rrethanat e plota të ngjarjes.