Meriton Koprani, 22-vjeçar nga Prishtina, ndërroi jetë më 11 prill rreth orës 20:00 në Qendrën Klinike Universitare të Kosovës, pas disa ditësh trajtimi për plagët e marra në një aksident trafiku të ndodhur më 5 prill në fshatin Llugë të Podujevës. Në aksident ishin përfshirë një veturë dhe një motoçikletë, ku i ndjeri ishte pasagjer në motoçikletë. Pas aksidentit, Meriton u hospitalizua në Klinikën e Mjekimit Intensiv, por nuk arriti t’u mbijetojë plagëve të rënda. Me urdhër të prokurorit, trupi i tij është dërguar për obduksion në Institutin e Mjekësisë Ligjore, ndërsa rasti vazhdon të hetohet.