Ka ndërruar jetë ish-eprori i lartë i Ushtrisë Çlirimtare të Kosovës, Masar Bakija, i njohur për kontributin e tij në betejat e Gjakovës dhe për sakrificën e tij gjatë luftës. Ish-bashkëluftëtari dhe deputeti i AAK-së, Daut Haradinaj, ka shprehur ngushëllimet duke e përshkruar Masar Bakijën si një njeri të guximit dhe sakrificës, që i shërbeu atdheut me nder edhe pas luftës në TMK. Haradinaj theksoi se kontributi i tij për lirinë dhe vendin nuk do të harrohet dhe se kujtimi për të do të mbetet i gjallë në zemrat e bashkëluftëtarëve dhe në historinë e ndërtuar së bashku. Ai uroi ngushëllime familjes, miqve dhe të gjithë bashkëluftëtarëve, duke përfunduar me fjalët: “Lavdi jetës dhe veprës së tij! U prehtë në paqe.”