Një aksident i rëndë rrugor ka ndodhur në aksin Korçë-Maliq, pranë fshatit Lumalas, ku janë përfshirë dy mjete. Në këtë ngjarje ka humbur jetën 45-vjeçari Krenar Çekiçi, punonjës i policisë së burgjeve në IEVP Drenovë, i cili ishte drejtues i njërit prej mjeteve të aksidentuara. Ai u dërgua në spitalin e Korçës, por pavarësisht ndihmës mjekësore nuk arriti të mbijetojë. Sipas raportimeve, aksidenti ndodhi kur një automjet ishte ndalur në krahun e djathtë të rrugës për të kaluar në anën tjetër, dhe një mjet tjetër që vinte nga e njëjta drejtim goditi fillimisht automjetin e ndaluar dhe më pas makinën tip “Benz” ku ndodhej Çekiçi.