Mbrëmjen e 24 qershorit në fshatin Agonas të Kavajës, një konflikt familjar përfundoi tragjikisht kur një 76-vjeçar goditi me thikë vëllain e tij 74-vjeçar gjatë kohës që ndodheshin në një arë duke mbledhur bazën ushqimore për blegtorinë. I plagosuri u transportua menjëherë në spital, por për shkak të plagëve të marra ndërroi jetë. Policia arrestoi menjëherë autorin e dyshuar dhe e shoqëroi për veprime të mëtejshme hetimore. Grupi hetimor, nën drejtimin e Prokurorisë, vijon punën për zbardhjen e plotë të rrethanave dhe dokumentimin ligjor të ngjarjes.